Rrëfehet Ermela: Bigu më ka shkatërruar, 2 vjet me humbje kujtese

Ajo është e vetmja femër që ka fituar deri tani një edicion të Big Brother. Ermela Mezuraj, biondja simpatike dhe me një karizëm të veçantë veç lekëve duket se nuk arriti dot të realizonte asnjë nga pritmshëritë e saj. Dëshira dhe pasioni i saj ishte për televizionin, por gjatë rrugës në këto vite nuk i doli përpara asnjë portë jeshile për t’u futur brenda. Madje edhe për punë të tjera nuk i ka ecur shumë. Së fundmi ajo ka qenë e ftuar në emisionin “Kasketa”, të Kastro Zizos, ku ka treguar gjëra mjaft interesante dhe të pathëna më parë. Ajo së pari ka treguar jetën e saj aktualisht, ku jeton në një apartament në Tiranë. Pohon se është vetëm, pasi është ndarë nga ish-i dashuri i saj.